Dúas canciós

Carlos López García-Picos Dúas Canciós: "Campo", "Hoy buscarás en vano" (para voz e piano) As canciós de García-Picos, tal e como as denomina Luís Seoane nun artigo adicado ao compositor en 1972, están baseadas nos poemas de Antonio Machado Campo e Hoy buscarás en vano. O creador betanceiro non depositou copias destas obras en ningún arquivo, nin as citou nos listados de composicións que elaborou; por este motivo aparecen clasificadas fóra do seu catálogo. A importancia destas creacións musicais, realizadas en Bos Aires no ano 1955, radica na singularidade que supón o uso da voz dentro das composicións de García-Picos. A estética vangardista das creacións musicais, coas que fixo a súa particular contribución á causa galega, obrigouno a manter unha postura afastada do repertorio tradicionalista e popular que dirixía nos coros. A música instrumental, e máis concretamente a música sinfónica, respondía plenamente aos seus obxectivos. A solución ante esta dicotomía que atopou García-Picos foi drástica: a voz te...