Soutullo a 4 mans (CD)

Arabesca - Mazurka - Jota - Puenteareas Reveriano Soutullo Transcricións: Pablo Rodríguez Fernández A música para piano de Reveriano Soutullo encádrase dentro dos tipos propios do salón burgués de fin de siécle. Está composta fundamentalmente de danzas —os aristocráticos valses e mazurcas; outras populares e desenvoltas, como o chotis ou o fox-trot; e hai tamén espazo para a música tradicional galega e da Iberia, a través das muiñeiras ou as xotas—, que se mesturan ás veces formando pequenas coleccións de pezas, pero en calquera caso amosa sempre o fino sentido melódico que caracterizou este gran compositor de zarzuelas.